Mijëra qytetarë vijuan marshimin në rrugët e Tiranës në kuadër të protestës së 35-të kombëtare, duke kaluar në disa nga akset kryesore të kryeqytetit.
Gjatë marshimit, pjesëmarrësit brohoritën slogane të ndryshme, mes tyre “Lironi çunat”, si dhe thirrje drejtuar kryeministrit Edi Rama. U dëgjuan gjithashtu slogane si “Rama në burg, Berisha në burg”, “Rama jepe dorëheqjen” dhe “Shqipëria kërkon revolucion”.
Marshimi vijoi drejt Komisariatit nr. 3, ku protestuesit shprehën mbështetje për personat e ndaluar gjatë protestës së mëparshme pranë Kuvendit.
Tubimi u zhvillua me pjesëmarrjen e qytetarëve nga zona të ndryshme të vendit dhe të përfaqësuesve të diasporës shqiptare, ndërsa organizatorët deklaruan se protestat do të vazhdojnë edhe në ditët në vijim.
