Prej më shumë se 35 vitesh, Petrit Breti nga fshati Shagë i Vorës endet korridoreve të institucioneve për të kërkuar të drejtën e pronës së trashëguar, ndërsa në zyrat e Kadastrës që drejtohet nga drejtoresha e përgjithshme, Lorena Goxhobelli, duket se është firmosur vjedhja me dokumente të falsifikuara. Ai denoncon një skemë të mirëorganizuar ku përmes mbështetjes politike dhe dorës së zezë të korrupsionit, prona e fisit Breti është kaluar në duart e grabitësve. Dosjet janë zhdukur, kërkesat janë grisur dhe zyrtarët kanë mbyllur sytë përballë fakteve, duke u bërë bashkëpunëtorë në krim.
Në një dëshmi tronditëse për gazetën “SOT”, qytetari tregon se institucionet jo vetëm që nuk i kthyen pronën, por e kanë akuzuar padrejtësisht sikur kërkon atë që s’i takon. Me dokumente origjinale në dorë, ai kërkon që drejtësia të mos vonojë më, sepse grabitja e pronave nuk është më çështje administrative, por një dramë kombëtare. Pra e gjithë kjo skemë dhe ky denoncimi, tregon qartë se Kadastra nuk është më institucion shtetëror, por një fabrikë vjedhjesh të ligjëruara që ka humbur çdo besim te qytetarët. Më poshtë po pasyrojmë denoncimin e plotë të qytetarit për gazetën , ndërkohë që i bëjmë thirrje gjithë institucioneve ligjzbatuese të hetojnë këtë rast skandaloz, ku prona një
