Mijëra qytetarë u mblodhën mbrëmjen e së shtunës në Tiranë në protestën e 35-të kombëtare, ku morën pjesë edhe shqiptarë të ardhur nga diaspora.
Pas tubimit para Kryeministrisë, protestuesit vijuan marshimin në rrugët e kryeqytetit, duke mbajtur flamuj kombëtarë dhe duke brohoritur slogane si “Shqipëri e Re” dhe “Edi Rama jep dorëheqjen”.
Gjatë protestës, pjesëmarrësit deklaruan se tubimi kishte karakter paqësor, ndërsa përsëritën kërkesën për dorëheqjen e kryeministrit Edi Rama.
Organizatorët theksuan se pjesë e manifestimit ishin edhe përfaqësues të diasporës shqiptare, të cilët iu bashkuan protestës në mbështetje të kërkesave të qytetarëve.
Atmosfera në bulevard u shoqërua me ndezjen e blicave të telefonave celularë dhe brohoritje gjatë gjithë marshimit, ndërsa protesta vijoi paqësisht në rrugët e kryeqytetit.
