Kreu i Partia Demokratike, Sali Berisha, ka akuzuar qeverinë për përqendrim të tenderave publikë në një numër të kufizuar kompanish shqiptare, duke pretenduar se rreth 1.5 miliardë euro janë shpërndarë vetëm tek 10 firma.
Në një konferencë për shtyp, Berisha deklaroi se kompanitë europiane dhe amerikane janë përjashtuar nga garat publike, ndërsa fondet sipas tij kanë përfunduar te kompani të lidhura me qeverinë dhe figura politike.
“Pasi janë përjashtuar të gjitha kompanitë evropiane dhe amerikane qofshin, shikoni fitimtarët e tenderave tani. Kompania Gjoka-Olsi Rama Konstruksion. Kompania 4AM. Salillari. Fusha. Modeste. GBG kompani. Dhjetë kompani kanë marrë 1 miliard e gjysmë euro”, deklaroi Berisha.
Ai pretendoi se kompania “Gjoka-Olsi Rama Konstruksion” ka përfituar afro 500 milionë euro tendera në vit, duke e cilësuar këtë si “koncentrim total mafioz pa tendera”.
Berisha ngriti akuza edhe ndaj institucioneve shtetërore dhe projekteve publike, duke përmendur Fondi Shqiptar i Zhvillimit dhe AKSHI, për të cilat tha se kanë menaxhuar shuma të mëdha fondesh publike në mënyrë abuzive.
Sipas tij, shpërdorimi i fondeve publike gjatë mandateve të qeverisë aktuale arrin në miliarda euro dhe përbën një nga problemet më të mëdha ekonomike në vend.
