Të hënën, më 11 maj, pritet të zhvillohet në Gjykata e Posaçme kundër Korrupsionit dhe Krimit të Organizuar seanca e radhës ndaj ish-presidentit Ilir Meta, ku do të shqyrtohet kërkesa e tij për zëvendësimin e masës së sigurisë “arrest në burg”.
Përmes mbrojtjes ligjore, Meta ka kërkuar zbutjen e masës së sigurisë, duke propozuar alternativa si arrest shtëpie, detyrim paraqitjeje apo garanci pasurore.
Avokati i tij ka paraqitur edhe një garanci financiare prej 50 mijë eurosh si pjesë e kërkesës për lirimin nga paraburgimi.
Më herët, Gjykata e Posaçme e Apelit kishte rrëzuar ankimin e Metës, duke lënë në fuqi masën “arrest në burg”.
Ndërkohë, procesi gjyqësor ndaj ish-presidentit vijon në strukturat e posaçme kundër korrupsionit dhe krimit të organizuar.
