Seanca plenare në Kuvend është përfshirë nga tensione dhe incidente mes deputetëve të opozitës dhe mazhorancës.
Gjatë zhvillimit të saj, Elda Hoti i ka marrë kartën e votimit Bora Muzhaqi, duke mos e lejuar të marrë fjalën në sallë.
Incidenti ndodhi në një moment kur foltorja ishte e bllokuar fillimisht nga Flamur Noka dhe më pas nga deputetë të tjerë të Partisë Demokratike, duke krijuar një situatë kaotike në seancë.
Përplasjet nuk u ndalën me kaq. Hoti pati edhe një debat të drejtpërdrejtë me Taulant Balla, të cilit iu drejtua me tone të ashpra: “Kujdes kur flet me mua… s’jam shoqja jote”.
Ky episod është një tjetër tregues i tensioneve të forta politike në Kuvend, ku debatet mes opozitës dhe mazhorancës shpesh kalojnë në përplasje verbale dhe incidente procedurale.
Seanca u shoqërua me ndërprerje dhe përplasje të vazhdueshme, duke reflektuar klimën e polarizuar politike në vend.
