Tensionet në protestën e opozitës në Tiranë kanë sjellë skena të forta në terren, ku policia ka përdorur sasi të mëdha gazi lotsjellës për shpërndarjen e protestuesve.
Gjatë përplasjes, një qytetar është parë i shtrirë në tokë, i prekur nga efekti i gazit, ndërsa persona të tjerë përreth përpiqen ta ndihmojnë.
Situata është përshkallëzuar në disa zona të kryeqytetit, me përdorim të molotovëve nga protestuesit dhe ndërhyrje të vazhdueshme të policisë me gaz lotsjellës dhe ujë.
Protesta vijon të jetë dinamike dhe e tensionuar, ndërsa autoritetet nuk kanë dhënë ende një bilanc zyrtar për të lënduarit.
