Presidenti i Republikës, Bajram Begaj, priti sot në takim Kryeministrin Edi Rama në kuadër të ndryshimeve të propozuara në kabinetin qeveritar.
Sipas njoftimit zyrtar, takimi zgjati rreth 40 minuta, gjatë të cilit kreu i qeverisë paraqiti propozimet për riformatimin e qeverisë.
Në përputhje me procedurën kushtetuese, Presidenti ka në dispozicion 7 ditë për të shqyrtuar dhe dekretuar ministrat e propozuar. Pas dekretimit, ndryshimet do t’i nënshtrohen votëbesimit në Kuvend.
