Një sulm me dron ka goditur hotelin luksoz Fairmont The Palm në zonën Palm Jumeirah, duke shkaktuar panik mes turistëve dhe dëme në fasadën e ndërtesës.
Sipas dëshmitarëve, një shpërthim i fuqishëm u dëgjua rreth orës 18:30 të së shtunës, ndërsa vizitorët ndodheshin në ambientet e hotelit. Autoritetet mbyllën menjëherë zonën, ndërsa ekipet e emergjencës ndërhynë për pastrimin e xhamave të thyer dhe sigurimin e perimetrit.
Derek Thompson, turist nga Skocia, tha se ndodhej duke darkuar me familjen kur ndodhi shpërthimi. “Ishte një shpërthim i çmendur dhe vrapuam për t’u strehuar. Mendonim se do të kishte një tjetër,” u shpreh ai, duke shtuar se u larguan drejt plazhit nga frika e shembjes së ndërtesave.
Me hapësirën ajrore të mbyllur, largimi nga vendi u bë i pamundur për shumë turistë. Një tjetër vizitore, Melissa Nicol nga Spanja, tha se ishte nisur për në aeroport, por u detyrua të kthehej pas njoftimit për mbylljen e fluturimeve. Ajo dhe mysafirë të tjerë u evakuuan në bodrum për arsye sigurie, ku kaluan natën.
Ngjarja vjen në një moment tensionesh të larta në rajon, ndërsa autoritetet vijojnë hetimet për sulmin.
