Dy prokurorë federalë belgë kanë kërkuar dënim me burgim të përjetshëm për Franc Gergely, i njohur si Franc Çopja, pasi ai u shpall fajtor nga Gjykata e Krimeve të Rënda në Bruksel për urdhërimin e vrasjes së Ardit Spahiut dhe për drejtimin e një organizate kriminale.
Sipas prokurorëve, juria nuk duhet të marrë në konsideratë asnjë rrethanë lehtësuese gjatë caktimit të dënimit. Ata kanë kërkuar gjithashtu që Çopja të dërgohet për ekzekutimin e dënimit në gjykatën për zbatimin e dënimeve për një periudhë minimale prej pesë vitesh.
Procesi për vrasjen e 38-vjeçarit Ardit Spahiu, i ekzekutuar më 27 nëntor 2020 në Sint-Jans-Molenbeek, ka nisur gjashtë javë më parë dhe aktualisht po zhvillohet në pallatin e drejtësisë “Justitia” në Haren. Sipas dosjes, vrasja ishte planifikuar për muaj me radhë, ndërsa viktima u qëllua me nëntë plumba në shpinë dhe në kokë.
