Donika Ndoji është zgjedhur kryetare e degës së Partisë Demokratike në Lezhë, pas përfundimit të procesit të votimit brenda strukturave të kësaj force politike. Ajo mori mbështetjen e anëtarësisë në një garë që u cilësua si e rregullt dhe me frymë bashkëpunimi.
Për zgjedhjen ka reaguar edhe Agron Gjekmarkaj, i cili përmes një mesazhi në rrjetet sociale përgëzoi degën e PD-së në Lezhë për zhvillimin e procesit zgjedhor.
Ai falënderoi qindra demokratë për pjesëmarrjen dhe angazhimin e tyre, duke theksuar se procesi dëshmoi edhe një herë vlerat e demokracisë dhe frymën e bashkëpunimit brenda partisë.
Gjekmarkaj vlerësoi gjithashtu kandidatët në garë, Paulin Marku dhe Salvador Kaçaj, duke e cilësuar përballjen mes tyre si korrekte dhe qytetare. Në fund, ai i uroi suksese Donika Ndojit në drejtimin e degës dhe në realizimin e objektivave të ardhshme politike.
