Komisioni i Mbrojtjes pranë Këshillit të Lartë të Prokurorisë ka miratuar shtimin e masave të mbrojtjes për drejtuesin e SPAK, Altin Dumani, si dhe për prokurorin e çështjes që po heton zv/kryeministren Belinda Balluku.
Vendimi është marrë pas kërkesës së paraqitur nga kreu i SPAK, për shkak të presionit të shtuar dhe sulmeve publike që, sipas KLP-së, cenojnë pavarësinë dhe sigurinë e prokurorëve të përfshirë në hetime sensitive.
Përveç Altin Dumanit, Komisioni ka miratuar masa mbrojtëse edhe për prokurorin Dritan Prençi, i cili po heton çështjen që lidhet me Belinda Ballukun dhe ka kërkuar më herët caktimin e masave të sigurisë “pezullim nga detyra” dhe “ndalim i daljes jashtë territorit të vendit”.
Këshilli i Lartë i Prokurorisë thekson se garantimi i sigurisë së prokurorëve është thelbësor për funksionimin normal të drejtësisë dhe vijimin pa ndërhyrje të hetimeve penale, veçanërisht në çështje që lidhen me zyrtarë të lartë shtetërorë.
