Një ngjarje tragjike ka tronditur pasditen e sotme, ku një vajzë 23-vjeçare ka humbur jetën pas një sulmi me thikë në rrethana ende të paqarta. Viktima, Ilenia Musella, është dërguar me urgjencë në spitalin “Villa Betania”, por ka mbërritur pa shenja jete, pasi kishte marrë një plagë të rëndë në shpinë.
Sipas të dhënave paraprake, e reja është transportuar me makinë nga banorë të zonës së parkut “Conocal”, ku dyshohet se ka ndodhur ngjarja. Mjekët nuk kanë mundur ta shpëtojnë, ndërsa policia ka nisur menjëherë hetimet.
Burime nga hetimi bëjnë me dije se pista kryesore është ajo e një grindjeje të papritur në rrugë, ku mund të kenë qenë të përfshirë disa persona. Deri më tani, autori nuk është identifikuar, pasi zona nuk mbulohet nga kamera sigurie.
Policia po merr në pyetje familjarët e viktimës dhe dëshmitarë të mundshëm, ndërsa komuniteti i zonës është në gjendje shoku nga ngjarja e rëndë. Hetimet vijojnë për të zbardhur plotësisht rrethanat dhe autorësinë e krimit.
