Sot në orën 12:00, në selinë e UEFA-s në Nyon, hidhet shorti i fazës play-off të Champions League. Në këtë fazë përballen 16 skuadra të renditura nga vendi i 9-të deri në të 24-in pas fazës së ligës.
Si funksionon shorti
- Formohen çifte të renditura (9–10, 11–12, 13–14, 15–16) dhe çifte të parenditura (17–18, 19–20, 21–22, 23–24).
- Ekipet e renditura përballen me ekipet e parenditura sipas skemës: 9/10 me 23/24, 11/12 me 21/22, 13/14 me 19/20, 15/16 me 17/18.
- Lejohen përballje mes skuadrave nga i njëjti shtet dhe atyre që janë ndeshur më parë.
- Ndeshjet luhen vajtje-ardhje më 17–18 shkurt dhe 24–25 shkurt.
Rivalë të mundshëm
- Real Madrid dhe Inter: Benfica ose Bodø/Glimt
- Juventus: Galatasaray ose Club Brugge
- Atalanta: Olympiacos ose Borussia Dortmund
Fituesit e play-off-it kalojnë në fazën e 1/8-ave, ku i presin kundërshtarë të fortë nga elita europiane.
