Ministria e Infrastrukturës ka shpallur procedurat për dhënien me koncesion të aksit rrugor Milot-Balldren, pas anulimit të projektit disa vite më parë.
Sipas dokumentave zyrtarë, koncesioni 35-vjeçar do të kushtojë rreth 365 milionë euro për një gjatësi 17 kilometra, duke shënuar rekordin e kostos më të lartë të shpenzuar ndonjëherë në vendin tonë, plot 21.5 milionë euro për kilometër.
Këtë të Enjte (19 dhjetor 2024), në faqen e Agjencisë së Prokurimit Publik (APP) është shpallur tenderi “Koncesion; Objekti: Projektim, ndërtim, operim, mirëmbajtje, rehabilitim dhe transferim i segmentit rrugor “Milot-Balldre” dhe Lloji I Kontratës “Punë”.
