Në një moment kyç për drejtësinë shqiptare, Shtetet e Bashkuara të Amerikës kanë shprehur angazhimin e tyre të palëkundur për të mbështetur luftën kundër korrupsionit dhe paligjshmërisë në Shqipëri. Në një takim të rëndësishëm mes të Ngarkuarës me Punë të SHBA-së në Tiranë, Nancy VanHorn dhe Prokurorit të Përgjithshëm, Olsian Çela, u diskutua mbi përpjekjet e përbashkëta për forcimin e shtetit të së drejtës dhe përpjekjet për të krijuar institucione të pavarura, të cilat do të veprojnë me integritet dhe transparencë.
Ky takim shënon një mesazh të qartë dhe të fortë, se Shtetet e Bashkuara të Amerikës janë të vendosura të sigurojnë që drejtësia të mbizotërojë në Shqipëri, duke i dhënë popullit shqiptar mundësinë për të pasur një sistem ligjor që funksionon me paanshmëri dhe drejtësi. Ndërkohë SHBA-të nuk janë vetëm mbështetëse, por janë gjithashtu një forcë katalizuese për të garantuar që çdo përpjekje për të luftuar korrupsionin të jetë e vërtetë dhe e paanshme. Kjo vëmendje e shtuar në forcimin e prokurorisë dhe ndihma për strukturat që janë të detyruara të zbatojnë ligjin, vjen në një moment të rëndësishëm, pak ditë para Ditës Ndërkombëtare të Luftës kundër Korrupsionit.
Korrupsioni, i cili ka shkaktuar shumë vuajtje dhe ka minuar mundësitë për një të ardhme më të ndritur për të rinjtë shqiptarë, do të jetë në qendër të vëmendjes, me qëllimin për të siguruar që askush të mos mbetet i pafajshëm. Me një angazhim të tillë, Shtetet e Bashkuara të Amerikës jo vetëm që shprehin mbështetje për drejtësinë shqiptare, por dërgon një mesazh të qartë dhe të fuqishëm, se paligjshmëria nuk do të tolerohet dhe do të luftohet me çdo mjet të mundshëm.
Reagimi i parë i ambasadës së SHBA
Konkretisht e ngarkuara me punë, Nancy Vanhorn ka zhvilluar dje një takim në ambientet e Ambasadës amerikane në tiranë, prokurorin e Përgjithshëm, Olsian Çela. Në këtë takim është diskutuar mbi vijueshmërinë e punës së Prokurorisë së Përgjithshme, forcimin e shtetit të së drejtës si dhe rëndësinë e funksionimin të institucioneve të drejtësisë si të pavarura.
“E Ngarkuara me Punë Nancy VanHorn u takua sot me Prokurorin e Përgjithshëm Olsian Çela për të diskutuar mbi punën e Prokurorisë së Përgjithshme, përpjekjet e vazhdueshme për forcimin e shtetit të së drejtës, duke theksuar rëndësinë e të pasurit institucione të pavarura që veprojnë me integritet dhe transparencë. Znj. VanHorn ripohoi mbështetjen e Shteteve të Bashkuara për institucionet e pavarura të Shqipërisë në përpjekjen e tyre për të dhënë drejtësi për popullin shqiptar”, shkruhet në postimin e ambasadës amerikane.
