Kreu i PD-së Sali Berisha deklaroi sot se reforma në drejtësi ka dështuar plotësisht. Ai solli raportin e World Justice Project (Projekti i Drejtësisë në Botë), i cili vlerëson një seri treguesish të shtetit ligjor dhe të funksionimit të drejtësisë dhe sipas Berishës konstaton një rënie dramatike të këtyre treguesve në vitin 2024, krahasuar me vitin 2015.
“Jam para jush për të theksuar se dështimi i plotë i reformës sorosiane në Shqipëri dhe drejtësisë së re konfirmohet tashmë jo vetëm nga qytetarët dhe opozita shqiptare, nga mediat më prestigjioze ndërkombëtare, por konfirmohet nga institucione think-tanker më të specializuara të fushës.
Kështu, World Justice Project, Projekti i Drejtësisë në Botë, vlerëson një seri treguesish të shtetit ligjor dhe të funksionimit të drejtësisë dhe konstaton një rënie dramatike të këtyre treguesve në vitin 2024, krahasuar me vitin 2015. Këtu para jush do paraqes me grafiqe këtë rënie. Kufizimi i pushtetit të qeverisë.
