Pas zgjerimit të familjes Berisha me apartamente e garazhe, fshihet një histori klientelizimi me hije korrupsioni, detajet e të cilës janë zbuluar nga Prokuroria e Posaçme. Protagonistë janë Argita Berisha-Jamarbër Malltezi dhe oligarku Samir Mane, ky i fundit një nga përfituesit më të famshëm të pasurive publike dhe ndereve politike që nga koha kur Sali Berisha ishte kryeministër. Gazeta “SOT” ka nxjerrë me fakte se si Sali Berisha, gjatë pushtetit 2005-2013, përdori qeverinë e tij dhe Parlamentin, duke kaluar në duart e Samir Manes për shfrytëzim privat pasuri natyrore publike, koncesione, tendera, pra gjithçka që prodhon para në Shqipëri.
Dosja e SPAK
Nga hetimet që SPAK ka bërë për aferën “Partizani”, e cila bëri që prokurorët të fusnin nën skaner pasuritë e familjes “Berisha”, dalin disa fakte që ngrenë dyshime të forta për lidhjet e ish-kryeministrit me Samir Manen. Prokurorët specialë evidentojnë në të dhënat konfidenciale se në deklaratën për vitin 2009 Jamarbër Malltezi deklaron Apartament 196 m2 + garazh blerë nga kompania Mane TCI, e cila është në pronësi të oligarkut Samir Mane. Por nga aktet konstatohet se kontrata e sipërmarrjes është lidhur më datë 30.03.2010. Pra një vit më vonë. “Në deklaratën për vitin 2009, shtetasi Jamarbër Malltezi (si person i lidhur me shtetasin Luan Malltezi) deklaron: Apartament 196 m2 + garazh blerë nga komp. Mane TCI… Tek të dhënat konfidenciale deklaron: Sqarim lidhur me ap e blera dhe deklaruar në faqen 10. Ap 196 m2 (bashkim dy pjesësh përkatësisht 110 dhe 86 m2) dhe garazh blerë nga kompania Mane TCI nr. 2955 rep 585 kol-204 000 euro…
