E djathta ekstreme mund të jetë në prag të fitores së saj të parë zgjedhore në një shtet të njohur si bastioni i socialdemokratëve të Gjermanisë.
Brandenburgu, afër Berlinit, është qeverisur nga Partia Social Demokrate (SPD) e qendrës së majtë të kancelarit Olaf Scholz që nga ribashkimi gjerman.
Por në garën për zgjedhje rajonale, Alternativ für Deutschland (AfD) ka një shans për t’i fituar. Kjo do t’i shtonte sukseset e fundit zgjedhore të AfD-së, dhe do të ishte një himbje e madhe për Scholz-in.
Sipas raportimeve nga The Guardian, votimi ka përfunduar në Brandenburg dhe sondazhet e para, i rendisin rezultatet për partisë si më poshtë:
Partia Social Demokrate (SPD) : 31%
Alternativa për Deutschland (AfD) : 30%
Bashkimi Kristian Demokrat (CDU): 12%
Aleanca Sahra Ëagenknecht (BSË) : 12%
Gjelbrit: 5%
Një rezultat i tillë, megjithëse nuk është i sigurt, do të hidhte dyshime të mëtejshme mbi aftësinë e Scholz për të udhëhequr partinë në zgjedhjet federale të vitit të ardhshëm, ku ai shpreson për një mandat të dytë pavarësisht nga një rënie në vlerësimet e tij të miratimit, shkruan BBC.
AfD u bë partia e parë e ekstremit të djathtë që fitoi zgjedhjet shtetërore në Gjermani që nga Lufta e Dytë Botërore në shtetin lindor të Turingisë, më 1 shtator dhe doli në vendin e dytë në Saksoni në të njëjtën ditë.
Grupi, i klasifikuar zyrtarisht “ekstremist” në disa shtete, nuk do të kishte gjasa të hynte në qeverinë rajonale nëse do të fitonte në Brandenburg, pasi çdo parti tjetër ka refuzuar të punojë me të.
Brandenburgu është bastioni tradicional i SPD-së – ajo ka fituar zgjedhjet në shtetin me pak popullsi që kur Gjermania Lindore dhe Perëndimore u ribashkuan në vitin 1990.
