Deputeti Dashamir Sula ka deklaruar se do të votojë kundër propozimeve të mazhorancës për Reformën Zgjedhore, nëse nuk sjellin në Kuvend draftin për votimin dhe numërimin elektronik dhe votën e diasporës. Deputeti demokrat e bëri deklaratën në një emision televiziv .
‘Do votoj kundër Reformës Zgjedhore në Kuvend nëse nuk sjellin draftin për votimin dhe numërimin elektronik dhe votën e diasporës. Vota ime do jetë kundër. Nëse nuk vijnë këto. Edhe sistemi duhet ndryshuar.. Duhet një sistem një zonë zgjedhore. Vota të hapura për të gjitha partitë politike.’- tha Sula.
Ndërkohë deputeti i PS-së Lavdrim Krashi tha se PS e do votën e diasporës pasi është e vetmja parti që në Komisionin që mbaroi punë ka paraqitur një draft si mund të realizohet vota e diasporës.
‘PS e do votën e diasporës është partia e vetme që edhe në komisionin që mbaroi punë ishte e vetmja që ka paraqitur një draft si mund të realizohet vota e diasporës. Është e vetmja. Një parti që paraqet një projekt, s’mund të jetë kundër!’- tha Krashi.
Analisti Genc Burimi tha se ‘Rama nuk e do votën e emigrantëve.’!
