Presidentja e Komisioni Evropian, Ursula von der Leyen, ka zhvilluar një bisedë telefonike me presidentin e Ukraina, Volodymyr Zelensky, ku është rikonfirmuar mbështetja e plotë e Bashkimi Evropian për Kievin në përballjen me luftën ndaj Rusia.
Në një reagim të publikuar në rrjetin social X, Von der Leyen deklaroi se Evropa do të vazhdojë të qëndrojë pranë Ukrainës përballë asaj që e cilësoi si “luftë agresioni të dhunshme” nga Rusia.
Ajo bëri të ditur se ndihma financiare për Ukrainën do të vijojë edhe gjatë këtij viti, duke përfshirë një paketë prej 28.3 miliardë eurosh, e destinuar për mbështetje ekonomike dhe ushtarake.
“Evropa qëndron pranë Ukrainës. Mbështetja jonë financiare dhe ushtarake do të vazhdojë”, theksoi Ursula von der Leyen.
Gjatë telefonatës është diskutuar edhe procesi i integrimit europian të Ukrainës. Sipas presidentes së Komisionit Evropian, javët e ardhshme do të jenë vendimtare për përshpejtimin e hapave drejt anëtarësimit të vendit në BE.
Bashkimi Evropian ka përsëritur në mënyrë të vazhdueshme se mbështetja për Ukraina mbetet prioritet strategjik, si në planin politik, financiar dhe ushtarak.
