Miq që i bashkuan interesat, kështu mund të themi për Edi Ramën dhe Dukagjin Lipën.
Babai i këngëtares së njohur Dua Lipa, Dukagjini është shpallur në Shqipëri investitor strategjik, madje në qytetin e Lushnjes.
Sipas të dhënave zyrtare, ai po ndërton në zonën e Fierit dhe Lushnjës parkun fotovoltaik me kapacitet prodhimi 100 Megavat/orë.Me çmimin 1 euro metri, investimi e tejkalon vlerën e pronës, kështu që siç e njeh ligji, ai bëhet automatikisht dhe pronar i tokës.
Por, të kthehemi pas në kohë dhe të shohim çfarë ka ndodhur!
I mbani mend fotot e Ramës me babë e bijë, të cilët ishin krenaria e Shqipërisë nëpër botë dhe rasti i suksesit të emigrantit në Londër?
Epo nuk është ashtu siç duket. Takimet e shpeshta mes Ramës, Duas, Dukagjinit dhe Erionit nuk kanë qenë as të rastësishme dhe as pa ndonjë plan të mirëmenduar nga pas.
Më 7 Qershor të vitit 2022, Dukagjin Lipa ka hapur së bashku me administratorin e “Sunny Hill”, Hysen Rukën nga Kukësi, një kompani të cilën e ka regjistruar në Tiranë. Kompania në fjalë “DH SOLAR PARK SHPK” ka si objekt ndërtimin e paneleve diellore dhe shitjen e energjisë.
Kapitali i kompanisë është 100,000 lekë dhe vjen pikërisht në momentin kur ministrja e MIE Belinda Balluku njoftoi mbështetjen për bizneset që do të prodhojnë dhe shesin energji nëpërmjet paneleve diellore, në tëcilën është përfshirë dhe Lipa.
