Organizata e Veteranëve të Luftës së UÇK-së ka reaguar për situatën e fundit politike në Kosova, duke kërkuar respektim të plotë të Kushtetutës dhe ruajtje të stabilitetit institucional.
Në një deklaratë publike, organizata shpreh shqetësimin për zhvillimet në Kuvend dhe thekson se çdo veprim institucional duhet të jetë në përputhje me ligjin dhe parimet demokratike.
Sipas veteranëve, vendimmarrjet që dalin jashtë kornizës kushtetuese rrezikojnë të cenojnë besimin e qytetarëve dhe funksionimin normal të institucioneve.
Ata u bëjnë thirrje deputetëve, veçanërisht shumicës parlamentare, që të tregojnë maturi dhe përgjegjësi në proceset politike, duke garantuar një qasje gjithëpërfshirëse dhe respekt për rregullat kushtetuese.
Organizata nënvizon se do të vijojë të mbështesë rendin kushtetues dhe shtetin ligjor, duke kujtuar se institucionet e Kosovës janë ndërtuar mbi sakrificën e luftës çlirimtare dhe duhet të ruhen me përgjegjësi.
