Maria Vorontsova dhe Katerina Tikhonova, vajzat e Presidentit rus Vladimir Putin, u shfaqën në publik pas një kohe të gjatë në Forumin Ekonomik Ndërkombëtar të Shën Petersburgut (SPIEF). Ajo që tërhoqi më shumë vëmendjen ishte ndryshimi i qartë në pamjen e vajzës së vogël të “cares” ruse Katerina, e cila, për arsye sigurie, nuk e ka mbiemrin e tij. Përveç vajzave të Putinit, Katerina Tikhonova dhe Maria Vorontsova, në forum mori pjesë edhe mbesa e tij, Anna Civileva. Vajza më e vogël e Putinit, Katerina, drejtore ekzekutive e Inopraktika, e cila vitin e kaluar bleu një aksion në Geoskan, një prodhues dronësh nën sanksionet ukrainase, foli në SPIEF.
Ajo iu bashkua një paneli nëpërmjet lidhjes video mbi “riatdhesimin teknologjik” dhe rolin dhe vendin e kompanive të huaja në tregun rus. Megjithatë, ajo që tërhoqi më shumë vëmendjen ishte pamja e vajzës së vogël të Putinit , përkatësisht ndryshimet që ajo me sa duket bëri gjatë pushimit mediatik. Vajza e madhe e Putinit, Maria, anëtare e Shoqatës Ruse për Promovimin e Shkencës, gjithashtu mori pjesë në SPIEF-2025. Ajo moderoi një diskutim mbi “neoetikën në epokën e neuroteknologjisë”.
