Një 48-vjeçar është arrestuar nga policia e Shkodrës pasi lëvizte me pistoletë me vete në qytet.
Helidon Marku po udhëtonte me automjet në lagjen “Ndoc Mazi” dhe në momentin që pa shërbimet e policisë, doli nga makina duke shkuar afër një lulishteje ku ka tentuar të fshehë armën që mbante më vete.
Por 48-vjeçari u vendos në pranga nga uniformat blu, ndërsa u sekuestruan pistoletë me municion luftarak dhe automjeti tip “BMW” me të cilin udhëtonte.
Njoftimi i policisë:
Shkodër/Kontrolle të shtuara në zbatim të planit operacional “Sundimi i ligjit”.
Kontrollet, bazuar në inteligjencën policore, me qëllim kapjen dhe arrestimin e shtetasve që qarkullojnë me armë, si dhe të atyre që janë në kërkim për vepra penale të ndryshme.
Kapet në flagrancë dhe vihet në pranga një 48-vjeçar që lëvizte me armë zjarri pistoletë me vete, në qytet.
Sekuestrohet arma e zjarrit pistoletë me krehër me municion luftarak, të cilën 48-vjeçari tentoi ta fshihte, kur pa punonjësit e Policisë.
