Biznesmeni dhe ish-kandidat i PD-së, Ethem Aga, është shprehur publikisht lidhur me zërat që e lidhin me një kandidaturë për kryetar Bashkie Tiranë në zgjedhjet e ardhshme. Në emisionin “Terminal”, Aga tha se ai do të jetë pjesë e fushatës së opozitës — qoftë si kandidat, qoftë si mbështetës — për të përfaqësuar ndryshimin në Tiranë.
Por ai theksoi: “Kandidati duhet të dalë nga strukturat e PD-së”, duke vënë theksin që nuk do të jenë emra të jashtëm pa lidhje me partinë që ta përfaqësojnë. Sipas tij, nuk është emri që ka rëndësi, por figura dhe programi që do të ndërtohet në bashkëpunim me forcat opozitare.
Ai shtoi se pavarësisht negociatave aktuale dhe zërave që qarkullojnë, do të jetë i pranishëm në garë dhe do të luftojë që opozita bashkuar të fitojë dhe të rikthejë besimin tek qytetarët e Tiranës.
