Një supertanker kinez është parë duke kaluar Ngushtica e Hormuzit, në një moment tensionesh të larta gjeopolitike dhe pak përpara bisedimeve të paralajmëruara mes presidentit amerikan Donald Trump dhe presidentit kinez Xi Jinping.
Sipas raportimit të Bloomberg, supertankeri “Yuan Hua Hu” u identifikua mëngjesin e së martës duke lundruar pranë ishullit iranian Larak Island dhe duke kaluar në pjesën lindore të ngushticës drejt jugut.
Të dhënat e gjurmimit detar tregojnë se anija po largohet nga Gjiri Persik, në një lëvizje që analistët e konsiderojnë të pazakontë për shkak të situatës së tensionuar në rajon.
Sipas bazës ndërkombëtare të të dhënave detare Equasis, anija është në pronësi dhe operohet nga njësi të kompanisë shtetërore kineze COSCO Shipping.
Lëvizja e tankerëve në Ngushticën e Hormuzit po monitorohet me vëmendje, pasi kjo rrugë detare konsiderohet një nga korridoret më strategjike për transportin global të naftës.
