Trump nuk ndalet, një tjetër lëvizje e paprecedentë pritet në SHBA, pse ekonomia amerikane mund të përfundojë në kolaps

Donald Trump ka pastruar sistematikisht çdo institucion qeveritar që nga fillimi i mandatit të tij dhe së shpejti do të bëjë të njëjtën gjë me Rezervën Federale, duke detyruar bankën qendrore të ulë normat e interesit në përputhje me rritjen e inflacionit, me pasoja epike për sistemin financiar global dhe duke lënë 39 trilionë euro në kontratat e dollarit në det të hapur. Në fund të javës së kaluar, ai shkarkoi kreun e Agjencisë Kombëtare të Sigurisë dhe zyrtarët e saj të lartë me urdhër të teoricienes së konspiracionit Laura Loomer, e cila i tha Trumpit se ata nuk ishin besnikë ndaj lëvizjes MAGA. Ai më parë shkarkoi krerët e divizionit të inteligjencës së FBI-së, divizionit kundër terrorizmit dhe divizionit të hetimit penal, si dhe shefat e byrove në Uashington dhe Nju Jork.