Presidenti i Shteteve të Bashkuara, Donald Trump, i ka kërkuar Iranit të ndalojë përshkallëzimin e situatës dhe të rikthehet në tryezën e negociatave, pas sulmeve me raketa të lëshuara drejt veriut të Izraelit.
Në një deklaratë për rrjetin amerikan Fox News, Trump u shpreh se Teherani duhet të heqë dorë nga veprimet ushtarake dhe të fokusohet te arritja e një marrëveshjeje diplomatike.
“I keni lëshuar raketat tuaja. Mjafton kaq. Kthehuni në tryezën e negociatave dhe arrini një marrëveshje. Besoja se marrëveshja mund të nënshkruhej brenda pak ditësh, por tani ndodhi kjo”, deklaroi presidenti amerikan.
Trump theksoi gjithashtu se forcat e armatosura amerikane mbeten në gatishmëri të plotë për t’iu përgjigjur çdo zhvillimi të mëtejshëm në rajon.
Deklaratat e tij vijnë në një moment tensionesh të larta në Lindjen e Mesme, ndërsa komuniteti ndërkombëtar po bën thirrje për vetëpërmbajtje dhe rikthim të dialogut për të shmangur një përshkallëzim më të gjerë të konfliktit.
