Tensione të reja janë raportuar gjatë protestës së opozitës në zonën e ish-Bllokut në Tiranë.
Sipas pamjeve nga terreni, drejt automjeteve të policisë dhe autobotëve janë hedhur molotovë dhe fishekzjarrë, me shpërthime që kanë ndodhur pranë efektivëve.
Nga ana tjetër, policia ka përdorur gaz lotsjellës dhe ujë me piper për të shpërndarë turmën. Situata vijon të jetë e tensionuar, ndërsa përplasjet mes protestuesve dhe forcave të rendit kanë qenë të herëpashershme.
