Sekretari i Përgjithshëm i Partisë së Lirisë, Tedi Blushi, u ka bërë thirrje qytetarëve që të marrin pjesë në protestën kombëtare që do të zhvillohet sot në orën 18:00 para Kryeministrisë në Tiranë.
Përmes një reagimi në rrjetet sociale, ai e cilësoi këtë ditë si një moment të rëndësishëm për reagimin qytetar, duke theksuar se 22 Marsi simbolizon mbrojtjen e demokracisë.
Blushi akuzoi kryeministrin Edi Rama për keqqeverisje dhe abuzim me pushtetin, duke renditur një sërë problematikash sipas tij në vend, si:
- varfëria dhe rritja e çmimeve
- korrupsioni
- emigracioni
- mungesa e sigurisë
Ai e konsideron protestën si mjetin kryesor për ndryshim:
“Sot është dita për të gjëmuar fort revolta dhe zemërata… Protesta është e vetmja zgjidhje dhe e vetmja shpresë,” – shkruan Blushi.
Protesta e opozitës pritet të zhvillohet në një klimë të tensionuar politike, me thirrje të shumta nga figura të ndryshme opozitare për mobilizim qytetar.
