Një shpërthim i fortë ka tronditur mëngjesin e së dielës zonën Piana del Sole në Romë, duke shkaktuar shembjen e dy ndërtesave të banuara.
Sipas të dhënave paraprake:
- 2 persona kanë mbetur të plagosur rëndë
- 2 të tjerë ndodhen ende nën rrënoja
- rreth 70 banorë janë evakuuar nga zona për arsye sigurie
Ekipet e zjarrfikësve dhe të emergjencës kanë mbërritur menjëherë në vendngjarje dhe po vijojnë operacionin e kërkim-shpëtimit për të nxjerrë personat e bllokuar.
Shpërthimi ka qenë shumë i fuqishëm, duke shkaktuar dëme edhe në ndërtesat përreth. Ngjarja ka ndodhur në kryqëzimin e rrugëve via Tavagnasco dhe via Cigliè.
Nga verifikimet e para, dyshohet se shkaku i shpërthimit ka qenë një rrjedhje gazi, ndërsa autoritetet italiane kanë nisur hetimet për të zbardhur plotësisht rrethanat e incidentit.
