Një ngjarje e rëndë ka ndodhur në rrugën rurale Fushë Kuqe-Gurëz, ku shoferja e një automjeti tip “Mercedes Benz” ka përplasur një biçikletë të drejtuar nga një burrë 50-vjeçar.
Shtetasja M. Gj, 33 vjeçe, e cila drejtonte automjetin, është arrestuar nga specialistët e Sektorit të Qarkullimit Rrugor. Si pasojë e përplasjes, 50-vjeçari ka pësuar dëmtime të rënda dhe është dërguar në spital për ndihmë mjekësore.
Hetimet janë në vijim dhe materialet i kaluan Prokurorisë për veprime të mëtejshme lidhur me shkeljen e rregullave të qarkullimit rrugor.
