Shefja e diplomacisë së BE-së: Ndërhyrja e dronëve rusë në Poloni ishte e qëllimshme, jo aksidentale

Kaja Kallas, kreu i politikës së jashtme të Bashkimit Evropian, ka reaguar ashpër pas shkeljes së hapësirës ajrore polake nga dronë rusë gjatë sulmeve të fundit mbi Ukrainën. Sipas saj, ky incident është “shkelja më e rëndë e hapësirës ajrore evropiane që prej fillimit të luftës” dhe tregon qartë se ishte një veprim i qëllimshëm, jo një gabim teknik. Çdo indicie tregon se nuk kishte rastësi në këtë sulm — që përbën një kërcënim real dhe i drejtpërdrejtë sigurisë së qytetarëve të Polonisë dhe të Europës në tërësi. Kallas tha se BE po mbështet plotësisht Poloninë dhe është në kontakt me NATO-n për të koordinuar reagimin. Ajo i bëri thirrje aleancës për të forcuar mbrojtjen ajrore përgjatë kufijve lindorë.