Sekretari amerikan i Mbrojtjes, Pete Hegseth, deklaroi se Shtetet e Bashkuara janë të gatshme të përshkallëzojnë operacionet ushtarake kundër Iran, duke paralajmëruar përdorimin e armëve të rënda nëse situata e kërkon.
Në një intervistë për CBS News, Hegseth tha se ushtria amerikane është e përgatitur të shkojë “aq larg sa duhet” për të arritur objektivat e saj në konflikt.
“Jemi të përgatitur të shkojmë aq larg sa duhet për të pasur sukses. Do të vijë një moment kur ata nuk do të kenë zgjidhje tjetër veçse të dorëzohen”, u shpreh ai.
Shefi i Pentagonit theksoi se operacionet aktuale përfaqësojnë vetëm fazën fillestare të fushatës ushtarake, duke shtuar se konflikti mund të intensifikohet në fazat e ardhshme.
Sipas tij, SHBA ka në dispozicion një gamë të gjerë municionesh konvencionale, përfshirë bomba gravitacionale 500-paundëshe, 1,000-paundëshe dhe deri në 2,000 paund, të cilat mund të përdoren kundër objektivave ushtarake.
Deklaratat e Hegseth vijnë në një moment kur tensionet në Lindjen e Mesme janë përshkallëzuar pas përplasjes së drejtpërdrejtë mes SHBA-së, Israel dhe Iranit, duke ngritur shqetësime për një konflikt më të gjerë rajonal.
