Kryetari i Partia Demokratike e Shqipërisë, Sali Berisha, ka bërë një tjetër deklaratë të fortë publike, këtë herë në lidhje me biznesmenin Ergys Agasi.
Sipas Berishës, Agasi është dhunuar rëndë rreth dy javë më parë dhe ka përfunduar në një spital privat.
“Dy javë më parë, Ergys Agasin e kanë rrahur shumë keq. Është dërguar në një spital privat”, deklaroi ai, duke shtuar se informacioni vjen nga burime që ai i cilësoi si “qytetari dixhital”.
Berisha pretendoi gjithashtu se ndaj Agasit nuk ekziston një mandat ndërkombëtar arresti dhe se ai mbrohet nga strukturat shtetërore.
“Nuk ekziston mandat ndërkombëtar për Ergys Agasin. Ky mandat në Shqipëri është i pavlerë, pasi policia nuk e arreston”, u shpreh ai.
Në vijim, Berisha hodhi akuza politike, duke e lidhur çështjen me qeverinë dhe kryeministrin Edi Rama, ndërsa përmendi edhe nismën rajonale të bashkëpunimit me Aleksandar Vučić.
Deklaratat e tij nuk janë shoqëruar me prova publike dhe nuk ka pasur ende reagim zyrtar nga institucionet lidhur me pretendimet për dhunimin e Agasit.
