Riorganizimi i PL, Xhixho e Blushi caktohen Sekretarë Politikë

Kryesia e Partisë së Lirisë ka miratuar dje vendime në lidhje me riorganizimin e Partisë së Lirisë. Në vendimet e kryesisë, Erisa Xhixho është caktuar sekretare politike për qarkun e Tiranës dhe Tedi Blushi për Sekretar Politik për Qarkun e Korçë. “Kryesia e Partisë së Lirisë, në funksion të riorganizimit me themel dhe forcimit të mëtejshëm të strukturave në nivel qendror dhe vendor, të hapjes së pandalshme, zgjerimit të mbështetjes së saj qytetare, të mbarëvajtjes së Konventës Kombëtare historike të 27 Prillit dhe në zbatim të 5 prioriteteve kryesore për 4 milion shqiptarë plus, vendosi sot: Ngritjen e Grupit të Punës për hartimin e Programit Politik dhe të Ndryshimeve Statutore, drejtuar nga Kryetari i KDK, z. Edmond Haxhinasto; Erisa Xhixho, Sekretare Politike për Qarkun e Tiranës; Tedi Blushi, Sekretar Politik për Qarkun e Korçës; Ngritjen e Komisionit Organizator për kremtimin e 20-vjetorit të themelimit të LSI, me bashkëkryetar”, thuhet në dokument.