Reshjet e dëborës dhe rënia e orteqeve kanë shkaktuar probleme në zonat malore të qarkut Shkodër. Situata më problematike paraqitet në aksin Qafë Thore – Theth, ku orteqet kanë bllokuar njërin krah të rrugës.
Autoriteti Rrugor Shqiptar (ARRSH) njofton se ekipet ndodhen në terren dhe po punojnë për pastrimin dhe zgjerimin e pjesës kaluese, me qëllim normalizimin e qarkullimit sa më shpejt.
ARRSH u bën apel drejtuesve të mjeteve të tregojnë kujdes të shtuar, pasi në disa segmente ka prani ngricash, dhe thekson se lëvizja duhet të kryhet vetëm me goma dimërore dhe zinxhirë.
