Konferenca e Rektorëve i është drejtuar me një letër kryetares së Kuvendit, Elisa Spiropali ku del kundër projekt-ligjit të ri të Ministrisë së Arsimit për “Shkencën dhe Kërkimin Shkencor në Republikën e Shqipërisë”.
Letra është publikuar nga deputetja e PD-së, Ina Zhupa, teksa rektorët e universiteve shprehen të shqetësuar se Qeveria ka ndryshuar variantin e dakordësuar me ta. Sipas rektorëve, Ministria e Arsimit i është rikthyer variantit te parë te projektit fillestar, i kundërshtuar nga Konferenca e Rektorëve.
Rektorët i kërkojnë Kuvendit që të pezullojë procedurat e miratimit të projektligjit dhe të pranojë në fillim të javës që vjen komentet e dërguara prej tyre.
Në postimin e saj në rrjetet sociale, Ina Zhup shprehet se për shkak të përjashtimit nga socialistët, nuk e ka mundësinë që të drejtojë seancën dëgjimore me Rektorët të hënën.
Ajo uron që mazhoranca të tërhiqet nga projekti politik, për kapjen e shkencës dhe dijes, për injorimin dhe shkatërrimin e lirisë dhe autonomisë universitare edhe për monopolizimin politik të dijes.
