Kryeministri Edi Rama ka njoftuar sot se lahuta, një nga instrumentet më të vjetër dhe simbolikë të kulturës shqiptare, është shpallur zyrtarisht pasuri e trashëgimisë kulturore jomateriale në listën e UNESCO-s, në kategorinë për mbrojtje urgjente.
Lajmi u bë i ditur nga vetë kreu i qeverisë përmes një postimi në rrjetet sociale, ku ai theksoi rëndësinë e këtij vendimi për identitetin kulturor shqiptar.
“🇦🇱 LAHUTA, PJESË E UNESCO-s ⭐️
🪕 Lahuta është shpallur zyrtarisht pasuri e trashëgimisë kulturore jomateriale në listën e UNESCO-s, për mbrojtje urgjente 🤝🇦🇱”, shkroi Rama.
Ky është një hap i rëndësishëm për ruajtjen dhe promovimin e një tradite të lashtë, së cilës i rrezikonte zhdukja për shkak të përdorimit në rënie dhe mungesës së trashëgimtarëve të zanatit. Me futjen në listën e UNESCO-s, pritet që lahuta të mbrohet dhe të promovohet ndërkombëtarisht si pjesë thelbësore e kulturës shqiptare.
🔹 Lahuta njihet për rolin e saj historik në epikën legjendare shqiptare, veçanërisht në këndimin e këngëve kreshnike dhe përçimin brez pas brezi të historisë, identitetit dhe traditave të veriut të Shqipërisë.
