Raketa ruse bie sërish në territorin e Polonisë, tensionohen marrëdhëniet mes shteteve, ja çfarë dyshon Varshava

Një raketë e lëshuar nga Rusia kundër Ukrainës ka shkelur hapësirën ajrore polake, por jo për të parën herë, duke rritur sërish tensionet mes vendeve. Kështu thuhet nga forcat e armatosura të Varshavës përmes një postimi. “Më 24 mars në orën 4:23 të mëngjesit, hapësira ajrore polake u shkel nga një prej raketave lundruese të lëshuara gjatë natës nga forcat ajrore me rreze të gjatë veprimi të Federatës Ruse”, njoftuan forcat e armatosura polake në platformën X. “Objekti hyri në zonën polake pranë qytetit Oserdow dhe qëndroi atje për 39 sekonda. Gjatë gjithë fluturimit, ai u vëzhgua nga sistemet e radarëve ushtarakë”, shtohet më tej. Raketa ruse hyri rreth 2 kilometra në hapësirën ajrore polake përpara se të kthehej në Ukrainë, tha një zëdhënës ushtarak polak. “Një nga këto raketa ruse hyri në hapësirën tonë ajrore në orën 4:23, duke lëvizur me një shpejtësi prej gati 800 kilometrash në orë,” u tha gazetarëve Jacek Goryszewski. “Ajo kaloi rreth 2 kilometra përtej kufirit”, shtoi ai. Rusia lëshoi ??57 raketa dhe dronë në Ukrainë të dielën, duke përfshirë në Kiev dhe rajonin perëndimor të Ukrainës Lviv, thanë zyrtarët. Rusia ka bombarduar Ukrainën prej ditësh dhe Moska i përshkruan këto sulme si hakmarrje për sulmet e Ukrainës gjatë zgjedhjeve presidenciale ruse. Forcat e armatosura thanë më herët se avionët polakë dhe aleatë u aktivizuan gjatë sulmit për të garantuar sigurinë e hapësirës ajrore të Polonisë. Në fund të dhjetorit, ushtria polake zbuloi një shkelje të hapësirës së saj ajrore nga një raketë ruse. Katërmbëdhjetë bombardues strategjikë rusë thuhet se u ngritën nga fusha ajrore ruse Olenya dhe sulmi ajror në Kiev vazhdoi për më shumë se dy orë.