Prokuroria e Fierit ka sekuestruar mbi 1 milionë euro pasuri të dënuarit Nikoli Gjolena dhe familjarëve të tij, pasi ka dyshime se janë burim i aktivitetit kriminal.
Prokuroria paraqiti kërkesën për sekuestrimin e pasurive të luajtshme dhe të paluajtshme në pronësi të Nikoln Gjolenës. Në listën e sekuestrimin përfshihen: apartamente, godina banimi, dyqane, etj.
“Në kuadër të procedimit pasuror nr.5 të vitit 2024, të nisur kryesisht, nga hetimet pasurore u provua se disa prej pasurive në pronësi dhe posedim të shtetasit N.Gj. dhe familjarëve të tij e kishin burimin në veprimtarinë kriminale të kryer prej këtij shtetasi.”– thuhet në njoftim.
