Sipas informacioneve paraprake, Policia e Shtetit ka shoqëruar 12 persona pas incidenteve të regjistruara gjatë protestës së zhvilluar pranë Kuvendit të Shqipërisë.
Raportohet se shoqërimet u kryen pas përplasjeve mes protestuesve dhe forcave të policisë gjatë tubimit.
Gjatë protestës, disa pjesëmarrës hodhën vezë, domate dhe sende të tjera në drejtim të efektivëve të Policisë së Shtetit dhe automjeteve që transportonin deputetë.
Deri në publikimin e këtij materiali, Policia e Shtetit nuk ka dhënë një njoftim zyrtar mbi arsyet e shoqërimeve, identitetin e personave të përfshirë apo nëse ndaj tyre do të ndërmerren procedura të mëtejshme ligjore. Hetimet për rrethanat e incidenteve vijojnë.
