Policia e Kosovës ka arrestuar dy persona të dyshuar për vjedhje të naftës në Prishtinë.
Ngjarja ka ndodhur në rrugën “Mehmet Xhevori”, ku sipas autoriteteve, dy të dyshuarit janë kapur në flagrancë duke vjedhur karburant.
Gjatë operacionit, policia ka sekuestruar si prova materiale një akumulator dhe pajisje të tjera që dyshohet se përdoreshin për realizimin e vjedhjes.
Nafta e vjedhur i është kthyer pronarit, ndërsa me vendim të prokurorit, të arrestuarit janë dërguar në mbajtje për procedura të mëtejshme ligjore.
Rasti vjen në një periudhë kur çmimet e karburanteve janë në rritje, duke shtuar edhe rastet e abuzimeve dhe veprave të tilla penale.
