Departamenti Amerikan i Shtetit ka përditësuar listën globale të këshillave të udhëtimit për qytetarët amerikanë, duke klasifikuar vendet sipas nivelit të rrezikut nga 1 (më i sigurt) deri në 4 (më i rrezikshëm).
Sipas këtij klasifikimi, Shqipëria renditet në Nivelin 2, që do të thotë se qytetarëve amerikanë u rekomandohet të ushtrojnë kujdes të shtuar gjatë udhëtimeve.
Në të njëjtin nivel me Shqipërinë përfshihen edhe vende si Kosova, Serbia, Bosnja dhe Hercegovina dhe Turqia.
Si ndahen nivelet e rrezikut:
- Niveli 1 – “Ushtro kujdes normal”
Vende si Kroacia, Sllovenia dhe Rumania konsiderohen më të sigurta. - Niveli 2 – “Ushtro kujdes të shtuar”
Përfshin Shqipërinë dhe një numër të madh vendesh në botë. - Niveli 3 – “Rishiko udhëtimin”
Vende si Izraeli, Arabia Saudite dhe Katar. - Niveli 4 – “Mos udhëto”
Përfshin vende me rrezik shumë të lartë si Irani, Rusia, Afganistani dhe Koreja e Veriut.
Çfarë do të thotë për Shqipërinë?
Vendosja në Nivelin 2 tregon se Shqipëria konsiderohet relativisht e sigurt, por ekzistojnë disa rreziqe si kriminaliteti i vogël apo situata të paparashikuara, ndaj kërkohet vigjilencë nga udhëtarët.
Ky klasifikim vjen në një periudhë tensionesh globale, sidomos për shkak të konflikteve në Lindjen e Mesme, që kanë ndikuar në përditësimin e vazhdueshëm të këtyre vlerësimeve.
