Një aksident rrugor është regjistruar pak pas mesnate në Unazën e Madhe të Tiranës, në segmentin pranë Kopshtit Zoologjik. Rrethanat e përplasjes mbeten ende të paqarta.
Në vendngjarje kanë mbërritur forcat e policisë dhe ambulanca, të cilat kanë ndërhyrë për sigurimin e zonës dhe menaxhimin e trafikut. Deri në këto momente nuk ka informacion zyrtar nëse ka persona të lënduar nga aksidenti.
Policia po punon për sqarimin e plotë të shkaqeve të ngjarjes, ndërsa qarkullimi i automjeteve në zonë është normalizuar pas ndërhyrjes së shërbimeve përkatëse.
