Një zjarr i madh ka përfshirë objektin e kompanisë së hapësirës ajrore SPS Technologies në Jenkintown, Pensilvani, gjatë mbrëmjes së së hënës, rreth orës 21:30 me orën lokale.
Dëshmitarët raportuan se paraprakisht ishte dëgjuar një shpërthim, pas të cilit flakët përfshinë magazinën. Punonjësit e ndërtesës u evakuuan menjëherë dhe nuk pati të lënduar. Për shkak të tymit toksik, autoritetet urdhëruan banorët të qëndrojnë në strehimore dhe mbyllën shkollat në zonë. Për më tepër, shërbimi në tre linja hekurudhore rajonale u pezullua për arsye sigurie
Zjarrfikësit vijojnë përpjekjet për të neutralizuar flakët dhe për të hetuar shkaqet e shpërthimit.
