Një 34-vjeçar i shpallur në kërkim ndërkombëtar nga autoritetet italiane është arrestuar në Shkodër, në kuadër të operacionit policor të koduar “Operacionalja 83”.
Operacioni u finalizua nga Drejtoria e Forcës së Posaçme Operacionale në bashkëpunim me strukturat vendore të Policisë, pas informacioneve të siguruara në rrugë operative.
Në pranga ra shtetasi Syrgen Haxhija, 34 vjeç, i lindur dhe banues në Shkodër.
Sipas Policisë, ai ishte shpallur në kërkim nga Interpol Roma për zbatimin e masës së sigurisë “Arrest në burg”, të caktuar nga Gjykata e Milanos, për veprat penale:
- Trafikim i lëndëve narkotike
- Pjesëmarrje në organizatë kriminale
Autoritetet bëjnë me dije se vijojnë procedurat për ekstradimin e tij drejt Italisë, ndërsa operacionet për kapjen e personave në kërkim ndërkombëtar vazhdojnë.
