Në emisionin Open u diskutua në lidhje me vendimin e kryeministrit Edi Rama për mbylljen e Tik Tok.
Eksperti Erion Demiri deklaroi se mbyllja e Tik Tok nuk do të jetë e lehtë. Drejtuesi i Acromax Aldor Nini u shpreh se rrjeti social mund ta padisë shtetin shqiptar, pas mbylljes. Ndërsa, analisti Agim Baçi tha se kryeministri është mësuar që gjërave t’ju bjerë shkurt.
Drejtuesi i Acromax Aldor Nini: Mund të nisin të bllokojnë IP. Duke bllokuar Ip adresa, nuk do funksionojnë mirë dhe kompanitë e tjera. Rama ka thënë hapur se Tik Tok është “rrugaçi i lagjes”, që do të thotë rrezikon një gjobë të majme nga Tik Tok. Rrjeti social mund të padisë shtetin shqiptar.
Anëtarja e Kryesisë së PD-së Jola Hysa: Unë jam që ose të mbyllen të gjitha rrjetet sociale ose nuk mund të veprohet kështu.
