Vlerësimi për Donald Trump është rritur me 2%, pavarësisht mbylljes së qeverisë dhe trazirave të pashmangshme në ekonominë amerikane.
Sondazhi i Reuters/Ipsos, i kryer nga 15 deri më 20 tetor, tregon vlerësimin për presidentin në 42%, 2 më shumë se fillimi i muajit. Që nga prilli, vlerësimi i tij është luhatur midis 40% dhe 44%, teksa trendet e fundit që tregojnë mbështetje të qëndrueshme nga zgjedhësit e tij.
Në të kundërt, shumica e amerikanëve fajësojnë republikanët për mbylljen e qeverisë federale, 50% fajësojnë udhëheqjen e partisë në Kongres. Gjithashtu, 43% e të anketuarve i konsiderojnë demokratët përgjegjës për mbylljen.
Mbyllja, e cila është e treta më e gjatë në historinë e SHBA-së, vazhdon për ditën e 21-të, teksa mijëra punonjës federalë janë pezulluar. 20% e të anketuarve janë prekur financiarisht nga situata, ndërsa 40% thanë se njohin dikë që ka përjetuar pasojat.
90% e republikanëve vazhdojnë ta mbështesin Trumpin
